لە ڕۆژی خۆشەویستیدا
لە ڕۆژی خۆشەویستیدا
کام دیاریت بۆ هەڵبژێرم ؟
شیعرێ ناسک ؟ یا گوڵێ سوور؟
نانا دڵمت بۆ دەنێرم
چی دەڵێی لەم جەژنەدا
با ڕوحی خۆمت پێشکەش کەم ؟
پێم خۆشە گەر ساتێکیش بێ
خەمەکانت لەگەڵ بەشکەم
ساڵ دێو دەڕواو خۆشەویستیت
زیاتر بەناخما ڕۆ دەچێ
سەرنجی هەر گوڵێک دەدەم
وا هەستەکەم لەتۆ دەچێ
سویند بەخوا وەندی ئەوین و
گاتەکانی ناو ئاڤێستا
سەدەیەکی دیکەش بژیم
خۆشترم دەوێی لە ئێستا
..ڕێبوار قەرەحەسەنی..
