لە تەمەنی 103 ساڵی مرد و هەموو سامانەکەی بەخشی
دوای نزیکەی یەک مانگ لە کۆچکردنی ئەکتەری بەناوبانگی ئەمریکی کێرک دۆگلاس، سەرجەم سەروەتەکەی لەسەر وەسیەتی خۆی بەخشرا.
مانگی ڕابردوو دوای 60 ساڵ خزمەتکردن بە سینەمای هۆلیود کێرک دۆگلاس لە تەمەنی 103 ساڵی کۆچی دوایی کرد، لە دوای خۆشی بڕی 61 ملیۆن دۆلاری بەجێهێشت.
بەپێی هەواڵی ڕۆژنامەی میرۆری بەریتانی، کێرک دۆگلاس بەر لە مردنی وەسیەتی کردبوو سەرجەم سەروەتەکەی ببەخشرێت بە ڕێکخراوە خێرخوازیەکان، هەربۆیە وەسیەتەکەیان بەجێ گەیاند و 61 ملیۆن دۆلاریان بەخشیە زانکۆی سان لۆرنس و نەخۆشخانەی منداڵانی لۆس و ئەنجلۆس و چەند شوێنێکی دیکە، هەر چوار منداڵەکەشی بێ بەشکرد لە سەروەتەکەی.
